Þessa dagana er ég alveg dottin ofan í smásagnasafnið hans Jónsa en það eru smásögur eftir hina ýmsu rithöfunda og margar hverjar bara mjög skemmtilegar. Mig hefur langað til að skrifa smásögu í þó nokkurn tíma en mig vantar andann yfir mig því ég finn ekkert til að skrifa um. Mest langar mig til að skrifa kaldhæðna smásögu. Eitthvað í líkingu við þá sem ég las um daginn en þar var skrifað einskonar rukkunarbréf til prests. Og rukkað var fyrir efni sem notað var í nornabrennurnar og útlistað vel og ítarlega hvers vegna hann rukkaði þetta mikið fyrir það. Mér fannst þetta bréf æðislegt þó ekki væri verið að tala um neitt yndislega hluti.